ꤢ꤬ꤚꤟꤢꤩꤊꤜꤢꤪ꤭ ꤟꤢꤩꤙ꤉ꤤ ꤒꤢ꤬ꤚꤛꤢꤩ꤭ꤙꤢꤧ꤬ ꤕꤚꤟꤢꤧ꤬ꤘꤣ ꤢ꤬ꤡꤢ ꤕꤟꤥ꤬ꤓꤢꤩ꤬ ꤚꤟꤢꤩꤕꤣ ꤊꤢ꤬ꤛꤢ꤭ꤜꤟꤤ꤬ ꤍꤟꤥ ꤔꤛꤣ꤬꤯ ꤚꤢꤪ ꤔꤛꤢꤩ꤭ꤡꤣ꤬ ꤒꤢ꤬ꤡꤣ꤬ ꤔꤛꤣ꤬ꤗꤢ꤬ ꤟꤢꤩꤙ꤉ꤤ ꤒꤢ꤬ꤚꤛꤢꤩ꤭ ꤙꤢꤧ꤬ꤟꤢꤪ ꤕꤚꤟꤢꤧ꤬ꤘꤣ ꤢ꤬ꤊꤚꤟꤥ꤭ꤜꤢꤦ꤬ ꤗꤟꤢꤩ꤬ꤓꤢꤩ꤬ ꤕꤜꤢꤩ꤬ꤟꤛꤢ꤭ꤕꤟꤥ ꤊꤢ꤬ꤛꤢ꤭ꤜꤟꤤ꤬ ꤍꤟꤥ ꤘꤣ ꤊꤤ꤬ ꤟꤣꤡꤟꤛꤢ, ꤚꤢ꤭ꤡꤟꤛꤢ ꤢꤧ꤬ꤘꤣ ꤢꤩ꤬ꤒꤢ꤬ꤔꤢꤧ, ꤉ꤢꤧꤎꤣꤧ ꤞꤤ꤭ ꤒꤢ꤬ꤟꤢꤩ꤬ ꤢ꤬ꤋꤢꤨ꤬ꤛꤢꤩ꤭꤯
ꤊꤢ꤬ꤛꤢ꤭ꤜꤟꤤ꤬ ꤍꤟꤥ ‘ꤖꤢꤪ' ꤛꤢꤩ꤭ ꤢ꤬ꤊꤢꤦꤚꤟꤢꤩ ꤓꤢꤩ꤬ꤙꤢꤧ ꤢ꤬ꤑꤢꤩ꤭ ꤔꤛꤣ꤬ꤗꤢ꤬ ꤕꤚꤟꤢꤧ꤬ꤔꤢ꤬ꤡꤟꤢꤧ ꤘꤣ ꤢ꤬ꤞꤢꤧꤕꤜꤢꤪ꤬ꤏ꤉ꤥ꤬ ꤒꤢ꤬ꤟꤢꤩ꤬ ꤗꤛꤢꤕꤟꤢꤨ꤭ꤘꤢꤦ꤬ ꤢ꤬ꤊꤜꤛꤢ ꤢ꤬ꤊꤜꤥ꤭ ꤚꤢꤪ ꤖꤢꤨ ꤊꤢꤦꤚꤟꤢꤩ ꤗꤟꤢꤩ꤬ꤓꤢꤩ꤬ꤙꤢꤧ ꤊꤢ꤬ꤛꤢ꤭ꤜꤟꤤ꤬ ꤍꤟꤥ ꤛꤢꤩ꤭ ꤔꤛꤣ꤬ ꤢꤧ꤬ꤞꤤ꤭ ꤛꤢꤡꤢꤦ ꤘꤛꤢꤩꤜꤢ꤭꤯ ꤗꤟꤢꤩ꤬ꤘꤢꤦ꤬ ꤔꤢ ꤒꤟꤢꤧ꤬ꤜꤟꤢꤪ꤭ꤞꤢꤨ꤬ ꤜꤟꤢꤪ꤭ꤞꤢꤧ꤯ ꤒꤟꤢꤧ꤬ꤘꤤꤘꤛꤢ꤭ ꤒꤟꤢ꤭ꤒꤢꤦ꤭ ꤥ꤬ ꤙꤢꤧ꤬ꤚꤤ꤬ ꤞꤢꤧꤕꤜꤢꤪ꤬ꤕꤛꤢꤩ ꤒꤥ꤬꤯ ꤗꤛꤢꤏꤢꤦ꤭ꤠꤟꤢꤧ ꤘꤣ ꤊꤢ꤬ꤛꤢ꤭ꤜꤟꤤ꤬ ꤗꤛꤢꤩ꤭ꤡꤣ꤬ꤖꤢꤨ ꤕ꤉ꤟꤥꤒꤢ꤬ꤕꤚꤟꤢꤧ꤬ ꤊꤤ꤬ ꤗꤛꤢꤓꤛꤢꤩ꤬ ꤟꤣꤡꤟꤛꤢ ꤚꤢ꤭ꤡꤟꤛꤢ, ꤚꤢꤪ ꤞꤢꤧꤕꤜꤢꤪ꤬ꤗꤟꤤ꤭ ꤘꤛꤢꤩꤙꤢꤧ ꤊꤟꤌꤣ꤭ ꤢꤧ꤬ꤞꤤ꤭ ꤊꤢ꤬ꤛꤢ꤭ꤜꤟꤤ꤬ ꤍꤟꤥ ꤛꤢꤩ꤭ ꤢ꤬ꤋꤢꤨ꤬ ꤔꤛꤣ꤬ꤕꤚꤢꤧ꤯
ꤘꤣ ꤋꤛꤢꤩ꤭ꤜꤣ ꤛꤢꤩ꤭ ꤊꤢ꤬ꤛꤢ꤭ꤜꤟꤤ꤬ ꤍꤟꤥ ꤓꤢꤩ꤬ꤜꤟꤛꤣ꤭ ꤙꤢꤧꤓꤛꤢ꤬ ꤟꤢꤪ꤯ ꤖꤢꤨꤔꤛꤣ꤬ꤚꤢꤪ ꤗꤢ꤬ꤢꤨ꤭ꤕꤟꤢꤩ ꤗꤢ꤬ ꤞꤢꤧꤐꤟꤢꤦ ꤟꤣ, ꤚꤢ꤭ ꤊꤢ꤬ꤛꤢ꤭ꤜꤟꤤ꤬ ꤍꤟꤥ ꤚꤢꤪ ꤘꤤ꤭ꤡꤟꤢꤧ꤭ ꤊꤟꤌꤣ꤭ꤔꤢ ꤢꤨ꤭ꤚꤟꤛꤣ꤬ ꤗꤢ꤬ ꤢ꤬ꤔꤟꤤꤟꤢꤪ꤮꤯
Monday, November 12, 2007
Subscribe to:
Post Comments (Atom)
No comments:
Post a Comment