ꤓꤢꤨ꤬ꤜꤟꤛꤢ꤬ꤊꤛꤢ꤭ꤟꤢꤪ ꤋꤢ꤭ꤜꤟꤢꤩ

ꤙꤤ ꤋꤢꤨ꤬ꤓꤛꤢꤩ꤭ꤋꤛꤢꤩ꤬ ꤙꤜꤢꤪꤢ꤬ꤊꤢꤨ꤭ ꤛꤢꤩ꤭ ꤓꤢꤨ꤬ꤜꤟꤛꤢ꤬ꤊꤛꤢ꤭ꤟꤢꤪ ꤋꤢ꤭ꤜꤟꤢꤩ ꤘꤣ http://ksalween.blogspot.com ꤔꤛꤣ꤬꤯

ꤐꤟꤢꤐꤟꤥ꤬ ꤘꤣ ꤞꤢꤧꤜꤥ꤭ ꤗꤛꤢ

Windows 7 ꤔꤢ OS ꤘꤣ ꤔꤢꤪ꤭ꤢꤩ꤬ꤊꤚꤢ꤭ ꤗꤢ꤬ ꤢ꤬ꤔꤟꤤ

ꤡꤢ ꤘꤣ ꤂꤀꤀꤉ ꤔꤢ꤬ ꤢꤪꤒꤥ꤬ꤙꤢ꤬ ꤜꤢꤧ꤭ ꤢ꤬ꤋꤢꤧ꤭ ꤔꤛꤣ꤬ꤗꤢ꤬ Window 7 ꤢꤩ꤬ꤏꤢꤧ꤭ ꤓꤢꤩ꤬ꤟꤢꤪ꤯ ꤚꤢꤪ Windows Operation System (OS)ꤜꤟꤢꤪꤕꤜꤤ꤭ ꤢ꤬ꤊꤜꤢꤧ꤭ ꤗꤢ꤬ ꤢ꤬ꤚꤛꤢꤜꤣ ꤟꤢꤩꤖꤢꤨꤛꤢꤩ꤭꤯

ꤗꤢ꤬ꤔꤢꤚꤢꤪ ꤙꤢꤧ꤬ꤢꤩ꤬ꤕꤚꤤ꤬ ꤒꤢꤦꤗꤢ꤬ ꤔꤢꤪ꤭ꤢꤩ꤬ ꤢꤧ꤬ ꤢ꤬ꤔꤟꤤ꤯ ꤚꤢꤪ ꤙꤤ ꤕꤚꤟꤢꤩꤛ꤉ꤤ꤬ꤊꤟꤢꤩ ꤔꤛꤣ꤬ꤗꤢ꤬ ꤡꤢꤟꤢꤪ ꤙꤤ Window 7 ꤢ꤬ꤓꤢꤩ꤬ ꤔꤛꤣ꤬ꤚꤢꤪ ꤢꤧ꤬ꤞꤤ꤭ ꤓꤛꤢꤩ꤭ꤊꤟꤢꤩ ꤔꤛꤣ꤬ ꤢ꤬ꤘꤛꤢꤩ ꤔꤢꤪ꤭ꤢꤩ꤬ꤙꤛꤢꤩ꤬ ꤕꤢ꤭ꤒꤥ꤬꤯ ꤢꤧ꤬ꤞꤤ꤭ ꤥ꤬ꤕꤟꤢꤪꤗꤛꤢ ꤊꤟꤌꤣ꤭ꤟꤢꤪ꤯ ꤞꤢꤧꤐꤟꤢꤦ ꤔꤢꤪ꤬ꤢꤩ꤬ꤟꤢꤩꤗꤢ꤬ ꤙꤢꤧ꤬ ꤤ꤬ꤕꤚꤤ꤬ ꤔꤢ ꤜꤤ꤬ꤜꤢꤧ꤬꤯ ꤕꤚꤟꤢꤧ꤬ꤘꤣ ꤢ꤬ꤔꤢꤪ꤬ꤢꤩ꤬ ꤟꤊꤣ꤬ ꤒꤢ꤬ꤊꤜꤢꤪꤚꤢꤪ ꤊꤤ꤬ꤗꤛꤢꤓꤛꤢꤩ꤬ ꤟꤢꤩꤗꤢ꤬ ꤠꤟꤤ꤭ꤊꤢꤨ꤭ ꤊꤜꤛꤢꤩ꤭ ꤒꤢ꤬ꤟꤢꤩ꤬ ꤢ꤬ꤡꤛꤣ ꤜꤟꤢꤦ꤬ ꤕꤟꤢꤦꤟꤢꤪ꤯ ꤘꤣ ꤕꤚꤟꤢꤧ꤬ꤢꤩ꤬ꤏꤢꤧ꤭ ꤒꤟꤢ꤭ꤊꤜꤢꤧꤊꤢꤨ꤭ ꤔꤛꤣ꤬ꤗꤢ꤬ ꤢꤩ꤬ꤏꤢꤧ꤭ ꤒꤟꤢ꤭ꤙꤢꤪ꤭ꤙꤛꤢꤩ꤬ ꤕꤢ꤭ꤒꤥ꤬ꤟꤢꤪ꤯

ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤒꤟꤢꤧ꤬ꤘꤢꤧ꤭ꤒꤟꤢ꤭ꤥ꤬ ꤔꤢ ꤔꤢꤪ꤭ꤢꤩ꤬ windows ꤔꤛꤣ꤬ꤗꤢ꤬ ꤙꤢꤧ꤬ꤔꤢꤪ꤭ ꤢꤩ꤬ꤔꤢ ꤜꤤ꤬ꤜꤢꤧ꤬꤯ ꤔꤢꤪ꤭ꤢꤩ꤬ ꤟꤊꤣ꤬ ꤗꤢ꤬ ꤢ꤬ꤔꤟꤤꤒꤥ꤬꤯ ꤊꤤ꤬ ꤗꤛꤢꤓꤛꤢꤩ꤬ ꤔꤢꤪ꤭ꤢꤩ꤬ꤟꤊꤣ꤬ ꤟꤢꤩꤔꤛꤣ꤬ꤗꤢ꤬ ꤢꤨ꤭ꤖꤛꤢꤩ ꤒꤟꤢꤧ꤬ꤞꤢꤦꤕꤢ꤭꤯ ꤟꤢꤩꤖꤢꤨꤛꤢꤩ꤭ ꤔꤛꤣ꤬ꤚꤢꤪ ꤢ꤬ꤕꤟꤛꤢꤢ꤬ꤏꤢꤧ꤭ ꤜꤢ꤭ ꤘꤣ ꤕꤚꤟꤢꤧ꤬ꤤ꤬ꤕꤚꤤ꤬ ꤙꤢꤧꤊꤟꤌꤣ꤭ ꤒꤥ꤬ ꤒꤢ꤬ꤟꤢꤩ꤬ ꤢ꤬ꤑꤢꤩ꤭꤯

ꤗꤢ꤬ꤔꤢꤚꤢꤪ ꤒꤟꤢꤧ꤬ꤘꤣ ꤢ꤬ꤜꤥ꤬ꤙꤢꤧ꤬ꤐꤟꤢꤪ꤬ ꤕꤢ꤭ꤒꤥ꤬ ꤗꤢ꤬ ꤢ꤬ꤥ꤬ꤓꤢꤩ꤬ ꤊꤟꤌꤣ꤭ꤟꤢꤪ꤯

ꤗꤟꤢꤩ꤬ꤒꤢꤩ꤭ ꤟꤢꤩꤔꤛꤣ꤬ꤗꤢ꤬ ꤕꤚꤟꤢꤧ꤬ꤘꤣ ꤢ꤬ꤤ꤬ꤕꤚꤤ꤬ ꤙꤢꤧꤊꤟꤌꤣ꤭ꤒꤥ꤬,ꤓꤛꤣ꤭ ꤞꤢꤧꤐꤟꤢꤦ ꤔꤢꤪ꤭ꤢꤩ꤬ꤊꤟꤌꤣ꤭ ꤜꤟꤢꤩꤗꤢꤦ꤭ꤜꤤ꤬, ꤗꤛꤢꤒꤟꤢꤧ꤬ꤐꤟꤥ꤬, ꤕ꤉ꤟꤥꤒꤢ꤬ꤡꤣ꤬ ꤔꤛꤣ꤬ꤢ꤬ꤑꤢꤩ꤭ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤘꤣ ꤢ꤬ꤞꤢꤧꤕꤜꤢꤪ꤬ ꤥ꤬ ꤗꤟꤢꤩ꤬ꤡ꤉ꤟꤥ ꤒꤢ꤬ꤟꤢꤩ꤬ ꤕꤜ꤉ꤥ꤭ꤓꤢꤩ꤬ꤕꤢ꤬ꤏꤤ꤭ ꤊꤚꤢ꤭ ꤕꤟꤢꤩꤊꤟꤌꤣ꤭ꤟꤢꤪ Operation System ꤒꤢ꤬ꤊꤟꤌꤣ꤬꤯ ꤢ꤬ꤗ꤉ꤟꤤ꤬ ꤔꤢ linux ꤯ ꤚꤢꤪ linux ꤛꤢꤩ꤭ ꤢ꤬ꤜꤟꤢꤪ꤭ꤊꤛꤢ꤭ ꤔꤢ ꤢ꤬ꤍꤟꤢꤨ꤬ ꤢ꤬ꤕꤚꤤ꤬ ꤒꤥ꤬꤯ ꤖꤛꤢꤩꤊꤚꤢ꤭ ꤗꤢ꤬ ꤢ꤬ꤔꤟꤤ꤯ ꤢ꤬ꤟꤛꤢ꤭ꤔꤟꤌꤣ꤭ ꤘꤣ windows ꤒꤢ꤬ꤟꤢꤩ꤬ ꤢ꤬ꤋꤢ꤭ꤜꤟꤢꤩ ꤗꤢ꤬ ꤢ꤬ꤔꤟꤤꤟꤢꤪ꤯

ꤚꤢꤪ ꤛꤢꤩ꤭ꤋꤥ꤭ꤑꤟꤢ ꤢꤨ꤭ꤔꤢꤪ꤭ꤢꤩ꤬ ꤏꤢꤪ꤭ꤜꤣ linux OS ꤒꤢ꤬ꤊꤟꤌꤣ꤬ ꤔꤛꤣ꤬ꤗꤢ꤬ ꤢꤧꤢ꤬ꤗ꤉ꤟꤤ꤬ ꤔꤢ Ubuntu꤯

Praise The Lord - Nehlaw
Love Cant Measure - Nehlaw

ꤊꤢ꤬ꤛꤢ꤭ꤜꤟꤤ꤬ ‘ꤖꤢꤪ' version 3.0

ꤛꤢꤩ꤭ꤋꤥ꤭ꤑꤟꤢ ꤗꤢ꤬ ꤊꤢ꤬ꤛꤢ꤭ꤜꤟꤤ꤬ ‘ꤖꤢꤪ' ꤢ꤬ꤓꤢꤩ꤬ꤒꤟꤛꤣꤟꤢꤪ version 3.0 ꤟꤢꤪ꤯ ꤞꤢꤧꤐꤟꤢꤦ ꤖꤛꤢꤩꤗꤢ꤬ ꤖꤛꤢꤩꤙꤤ ꤡꤢꤪꤡꤤ꤬ ꤒꤢ꤬ꤊꤛꤢꤩ꤭ Font Download ꤢ꤬ꤜꤢꤧ꤭ ꤔꤛꤣ꤬꤯ ‘ꤖꤢꤪ' ꤛꤢꤩ꤭ ꤜꤥ꤬ꤙꤢꤧ꤬ꤕꤢ꤭ ꤘꤣ ꤙꤢꤧ꤬ ꤗꤟꤢꤩ꤬ꤚꤛꤢꤓꤛꤢ꤬ ꤕꤟꤥ ꤢꤧ꤬ꤕꤢ꤭꤯ Version ꤛꤢꤩ꤭ꤋꤥ꤭ꤑꤟꤢ ꤒꤢ꤬ꤊꤟꤌꤣ꤬ ꤗꤢ꤬ ꤢ꤬ꤒꤢ꤬ꤘꤢꤦ꤬ꤜꤣ ꤒꤢ꤬ꤊꤟꤌꤣ꤬ ꤗꤟꤢꤔꤢꤟꤤꤒꤥ꤬꤯ ꤒꤟꤢ꤭ꤕꤜꤢꤩ꤬ꤟꤛꤢ꤭ ꤙꤢꤧ꤬ꤗꤟꤢꤩ꤬ꤚꤛꤢꤓꤛꤢ꤬ ꤢꤧꤜꤣ ꤔꤢ version ꤢ꤬ꤓꤢꤩ꤬ꤞꤢꤧ꤭ ꤕꤟꤥꤕꤢ꤭꤯

ꤊꤢ꤬ꤛꤢ꤭ꤜꤟꤤ꤬ ‘ꤖꤢꤪ' ꤛꤢꤩ꤭ ꤘꤛꤢꤩ ꤢ꤬ꤗ꤉ꤟꤤ꤬ ꤔꤢ kantarawaddy ꤗꤟꤢꤩ꤬ꤒꤢꤩ꤭ ꤟꤢꤩꤔꤛꤣ꤬ꤗꤢ꤬ Kantarawaddy Times ꤒꤟꤢꤧ꤬ꤚꤢꤩ꤬ ꤢ꤬ꤕꤜꤢꤪ ꤒꤢ꤬ꤗꤟꤢꤨ꤬ ꤖꤛꤢꤩ ꤒꤟꤢꤧ꤬ꤘꤛꤢ꤬ꤋꤢꤨ꤬ ꤚꤢꤪ ꤛꤢꤡꤢꤦ ꤛꤢꤚꤢꤩ꤬ ꤗꤟꤢꤩ꤬ꤓꤢꤩ꤬ ꤘꤛꤢꤩ ꤢ꤬ꤋꤢꤨ꤬ ꤢ꤬ꤋꤛꤢꤩ꤭ ꤔꤛꤣ꤬ꤕꤚꤢꤧ꤯ ꤖꤢꤨ ꤢꤧ꤬ꤞꤤ꤭ ꤕꤚꤟꤢꤧ꤬ꤔꤢ꤬ꤡꤟꤢꤧ ꤒꤢ꤬ꤟꤢꤩ꤬ ꤞꤢꤧꤕꤜꤢꤪ꤬ꤏ꤉ꤥ꤬ ꤥ꤬ꤔꤛꤣ꤬ ꤢ꤬ꤋꤥ꤭, ꤗꤛꤢꤏꤢꤦ꤭ ꤘꤣ ꤊꤢ꤬ꤛꤢ꤭ꤜꤟꤤ꤬ ꤖꤢꤨ ꤒꤢ꤬ꤟꤢꤩ꤬ ꤟꤣ ꤔꤢꤪꤘꤛꤢꤩ ꤢꤧ꤬ꤞꤤ꤭ ꤍꤟꤥ ꤞꤛꤢꤊꤟꤌꤣ꤭ꤖꤢꤨ ꤓꤛꤢꤩ꤭ꤊꤟꤢꤩꤚꤟꤛꤣ꤬ ꤖꤢꤨ ꤒꤢ꤬ꤟꤢꤩ꤬ ꤢ꤬ꤑꤢꤩ꤭ ꤔꤛꤣ꤬ꤚꤢꤪ ꤗꤟꤢꤩ꤬ꤓꤢꤩ꤬ ꤘꤛꤢꤩꤕꤟꤢꤩꤟꤢꤪ ꤊꤢ꤬ꤛꤢ꤭ꤜꤟꤤ꤬ (kantarawaddy) ‘ꤖꤢꤪ' ꤛꤢꤩ꤭ ꤔꤛꤣ꤬ꤕꤚꤢꤧ꤯

ꤊꤢ꤬ꤛꤢ꤭ꤜꤟꤤ꤬ ꤕꤚꤟꤢꤧ꤬ꤜꤟꤢꤨ꤬ꤗꤛꤢꤩ꤭

ꤕꤟꤢꤧ꤬ꤊꤢꤦ ꤗꤟꤢꤩ꤬ꤜꤣꤙꤛꤢ꤭ꤓꤛꤢ꤬ ꤚꤟꤥꤋꤛꤢꤩ꤭ꤜꤢꤨ꤭ ꤕꤟꤢꤧ꤬ ꤕꤚꤟꤢꤧ꤬ꤜꤟꤢꤨ꤬ꤗꤛꤢꤩ꤭ ꤢ꤬ꤒꤟꤢꤧ꤬ꤖꤛꤢꤩ ꤒꤟꤢꤧ꤬ꤗꤟꤢꤩ꤬ ꤒꤢ꤬ꤟꤢꤩ꤬꤯
ꤒꤟꤢꤧ꤬ꤗꤟꤢꤩ꤬ꤜꤟꤛꤢ꤬ ꤙꤢꤧ꤬ꤟꤢꤪ ꤘꤣ ꤕꤟꤢꤧ꤬ꤜꤟꤥ꤬꤯

ꤖꤢꤨꤔꤛꤣ꤬ꤚꤢꤪ ꤊꤢ꤬ꤛꤢ꤭ꤜꤟꤤ꤬ ꤖꤢꤨꤞꤤ꤭꤮

ꤠꤢ꤭ ꤞꤢꤧꤐꤟꤢꤦ ꤘꤛꤢꤩꤟꤢꤧ꤭ ꤘꤛꤢꤩꤚꤢꤩ꤬ ꤊꤟꤌꤣ꤭ꤞꤤ꤭ ꤘꤣ ꤢꤛꤢꤡꤢꤦ ꤚꤟꤥꤋꤛꤢꤩ꤭ꤜꤢꤨ꤭, ꤙꤤꤢ꤬ꤡꤟꤛꤢ ꤔꤢ ꤔꤟꤢꤧ꤬ꤔꤛꤣ꤬꤯

ꤓ꤉ꤟꤥ꤭ ꤒꤟꤢꤧ꤭ ꤘꤣ ꤢ꤬ꤞꤎꤢꤪ꤭ꤒꤢ꤬ꤙꤢꤧ꤬ ꤔꤛꤣ꤬ꤗꤟꤢꤩ, ꤗꤢ꤬ꤗꤟꤢ ꤒꤢ꤬ꤋꤥ꤭ ꤓ꤉ꤟꤥ꤭ꤘꤣ ꤓꤢ꤬ꤕꤜꤢꤪ꤬ ꤒꤣ꤬ꤕꤜꤢꤪ꤬ ꤚꤢꤪ ꤓ꤉ꤟꤥ꤭ꤓꤛꤢ꤬ ꤚꤟꤥꤒꤟꤛꤣ ꤢꤧ ꤓꤢ꤬ꤓꤛꤢꤩ꤭ ꤒꤢ꤬ꤊꤤ꤬꤯

ꤗꤟꤢꤪꤒꤢ꤬ꤑꤢꤩ꤭ ꤋꤢꤧ꤭ꤛꤢꤩ꤭ ꤟꤛꤢ꤭ꤒꤟꤛꤣꤟꤢꤪ

ꤒꤟꤢꤧ꤬ꤚꤛꤢꤙꤢꤧ꤬ ꤕꤚꤟꤢꤧ꤬ꤘꤣ ꤢ꤬ꤟꤣꤜꤤ꤬ ꤛꤢꤩ꤭ꤒꤢ꤬ꤟꤢꤩ꤬ -

ꤕꤟꤢꤧ꤬ ꤊꤢ꤬ꤛꤢ꤭ꤜꤟꤤ꤬ ꤍꤟꤥ ꤔꤛꤣ꤬ ꤢ꤬ꤓꤢꤩ꤬ꤜꤟꤛꤣ꤭ ꤓꤛꤢ꤬ꤙꤢꤧ ꤟꤢꤪꤘꤣ ꤢꤩ꤬ꤒꤢ꤬ꤔꤢꤧ ꤜꤥ꤬ꤟꤢꤪ꤯
ꤞꤢꤧꤊꤚꤟꤢꤦ꤭ ꤞꤢꤧꤜꤟꤢꤪ꤭ꤚꤟꤥꤊꤟꤌꤣ꤭ ꤋꤛꤢꤩ꤭ꤜꤢꤨ꤭ꤚꤢꤪ ꤗꤟꤢꤩ꤬ꤡ꤉ꤟꤥꤘꤛꤢꤩ ꤋꤛꤢꤩ꤭ꤜꤢꤨ꤭꤯

ꤒꤟꤢꤧ꤬ꤙ꤉ꤤ꤮꤯